> Kreyòl > Premye minis Gérard Latortue pral opere Ozetazini

Premye minis Gérard Latortue pral opere Ozetazini

Publié le samedi 13 août 2005

Premye minis ayisyen an Gérard Latortue pral fè yon operasyon nan jenou Ozetazini, senmenn ki ap vini an. Operasyon sa a ki kapab dire 1èdtan konsa, p ap konplike,an prensip. Li ta dwe dewoule nan yon lopital Florid mèkredi pwochen, dapre enfòmasyon Radyo Kiskeya jwenn samdi bò kote Primati a, katye jeneral gouvèlman an nan Pòtoprens.
De twa jou vakans ap nesesè, pou mesye Latortue kapab repoze l apre operasyon an.

Menm enfòmasyon yo fè konnen chèf gouvèlman an, ki pa parèt ditou nan ankenn aktivite pandan dènye jou sa yo, parèt fatige anpil.

Gérard Latortue ki gen 71 zan sou tèt li, te gen pou l te al opere depi kèk jou men, sitiyasyon peyi a pat pèmèt li fè sa. Antouka, Premye minis la ap absan nan yon moman enpòtan avèk eleksyon yo ki pa lwen rive, pwoblèm ensekirite a ki toujou poze, plis mannèv ki ap fèt pou lage ansyen Premye minis lavalas la Yvon Neptune. spp/RK

Liliane Pierre-Paul éléments Aller à la galerie de Liliane Pierre-Paul