> Kreyòl > Colin Powell pran la pawòl

Colin Powell pran la pawòl

Publié le lundi 28 février 2005

Ansyen chèf diplomasi amerikèn nan Colin Powell deklare, nan premye entèvyou li bay, depi l’ te renmèt demisyon l’ nan mwad novanm nan, li te travay ak dirijan fransè yo, byen ta, yon jou swa mwad fevriye 2004, pou Etazini ak Lafrans te kapab voye twoup ann Ayiti. Operasyon militè tèt ansanm sa a te dewoule, tousuit apre ansyen diktatè a, Jean-Bertrand Aristide, te fin pèdi pouvwa a.

Colin Powell fè deklarasyon sa a nan yon entèvyou ki parèt samdi, nan jounal anglè Daily Telegraph, kote ansyen reskonsab ameriken an pale de desepsyon li te genyen, fas ak konpòtman Lafrans sou dosye Irak la, anvan lagè a te pete ann avril 2003.