> Kreyòl > 2 moun mouri nan manifestasyon patizan Aristide yo nan okazyon premye (...)

2 moun mouri nan manifestasyon patizan Aristide yo nan okazyon premye anivèsè ranvèsman ansyen diktatè a

Publié le mardi 1er mars 2005

Pou pipiti 2 moun mouri anba bal, lendi nan Pòtoprens, apre entèvansyon Polis Nasyonal la pou kraze yon manifestasyon patizan Aristide yo, nan okazyon premye anivèsè ranvèsman ansyen diktatè a 29 fevriye 2004. Selon temwayaj plizyè moun ki t’ap pale sou antèn medya lavalas yo, plizyè santèn moun te kòmanse rasanble sou Bèlè pou reklame retou Aristide, lè lapolis te louvri kout gaz lakrimojèn ak kout zam sou yo.

Men, selon PNH se yon sèl moun ki ta mouri.

Nan tèt manifestasyon sa a, ki pat gentan rive anba lavil la, ou te jwenn pè Gérard Jean-Juste, yonn nan kolaboratè ki pi pre ansyen diktatè a yon mouvman popilè te chase sou pouvwa a ane pase.

Akòz tout bri chimè yo te fè kouri, aktivite yo te ralanti anpil nan kapital la pandan tout jounen lendi a. Pòt anpil lekòl te rete fèmen, anpil biznis te oubyen kanpe oubyen travay a mwatye nan zòn anba lavil la.