> Kreyòl > Depite amerikèn Maxime Waters vin bay presyon pou liberasyon Yvon (...)

Depite amerikèn Maxime Waters vin bay presyon pou liberasyon Yvon Neptune

Publié le mardi 8 mars 2005

Depite nwa amerikèn, fanatik lavalas yo rele Maxime Waters la, fè yon vizit doktè lendi nan Pòtoprens, nan tèt yon delegasyon ki te vin reklame liberasyon ansyen chèf gouvèlman lavalas la Yvon Ndeptune rapido presto.
Madan Waters ki se manm gwoup palmantè nwa ameriken yo "Blak Kokis", deklare apre l’ fin rann Neptune vizit nan Penitansye Nasyonal, " mwen gen lakrentif anpil pou yo pa touye misye oubyen pou li pa mouri nan grèv grangou l’ap fè a, paske li sanble pa dispoze manje".

Depite Waters ki reprezante Kalifòni nan kongrè ameriken an, di li swete yo p’ap kite Yvon Neptune ak ansyen minis enteryè a Jocelerme Privert mouri nan prizon an, pandan l’ kritike otorite yo li fè konnen k’ap pale de demokrasi alòske y’ap boure moun nan prizon pou rezon politik.

Yvon Neptune ak Jocelerme Privert deklannche yon grèv grangou depi plizyè jou, nan Penitansye Nasyonal, pou egzije liberasyon yo, pandan gen gwo presyon entènasyonal k’ap fèt pou de ansyen reskonsab lavalas yo pa al jije Senmak pou masak lasiri a, ki te lakòz yon senkantèn moun te pèdi lavi yo 11 fevriye 2004.