> Kreyòl > èd 73 milyonn dola Bank Mondyal pou Ayiti pandan vizit visprezidan (...)

èd 73 milyonn dola Bank Mondyal pou Ayiti pandan vizit visprezidan enstitisyon an nan Pòtoprens

Publié le mercredi 9 mars 2005

Visprezidant Bank Mondyal pou rejyon Amerik Latin ak Karayib la Pamela Cox anonse enstitisyon an deja tonbe dakò, pou l’ bay gouvèlman ayisyen an yon valè 73 milyonn dola youwès, pou reyalizasyon 2 pwojè ki antre nan kad koperasyon enterimè a.

Madan Cox pwomèt tou pou Bank Mondyal mete tout kominote entènasyonal anba gwo presyon, nan okzayon konferans ki pral fèt sou Ayiti a 18 mas nan vil Kayèn (Giyàn Fransèz), dekwa pou tout patnè yo kapab respekte angajman yo te pran, nan konferans Wachintonn nan ane pase.

Visprezidant la te fè yon seyans travay pandan jounen madi a ak Premye minis Gérard Latortue epi minis finans la Henry Bazin, sou kolaborasyon ant peyi a ak Bank mondyal pou 2 lanne k’ap vini yo.
Pamela Cox tou pwofite inogire biwo tounèf enstitisyon an nan Pòtoprens.