> Kreyòl > Gouvèlman an di li pa dwe ankenn esplikasyon sou desizyon pou pouse do Ira (...)

Gouvèlman an di li pa dwe ankenn esplikasyon sou desizyon pou pouse do Ira Kurzban

Publié le mercredi 9 mars 2005

Nan yon kominike minis afè etranjè a Herard Abraham mete deyò madi, li deklare desizyon li te pran pou l’ te pimpe Ira Kurzban, avoka ameriken Aristide la, tounen papye patèt Ozetazini, chita sou privilèj Ayiti kòm peyi granmoun genyen pou l’ chwazi ki etranje li vle antre lakay li, san l’ pa oblije bay pèsonn ankenn essplikasyon.

Lendi, yon ofisye imigrasyon te pran men mèt Kurzban, mennen l’ tounen nan vòl 377 amerikann èlays ki te ateri ak li a, nan ayopò entènasyonal Pòtoprens la. Li te fè pati yon delegasyon Depite amerikèn fanatik lavalas Maxine Waters t’ap dirije, nan objgektif pou reklame liberasyon ansyen Premye minis lavalas la Yvon Neptune, san pèdi tan.

Nan kominike a, minis Abraham pwofite voye yon pinga bay sila yo ki ta gen entansyon fè pwason kraze nan bouyon ak fè mannèv politik nan ka Neptune nan. Yon ka minis afè etranjè a raple ki depann de lajistis ayisyèn sèlman.