> Kreyòl > PNH rekonèt absans li nan 2 dènye manifestasyon patizan Aristide yo sou (...)

PNH rekonèt absans li nan 2 dènye manifestasyon patizan Aristide yo sou Bèlè

Publié le jeudi 10 mars 2005

Pòtpawòl Polis Nasyonal la doktè Jessie Cameau Coicou rekonèt PNH pat manke pwoche bò kote patizan Aristide yo, nan 2 dènye manifestasyon yo òganize yo, vandredi pase ak madi semenn sa a sou Bèlè. Pòtpawòl la presize lapolis pat gen ankenn moun ki te avèti l’ yo t’ap fè manifestasyon, alòske MINISTA ki te toujou okouran te reponn prezan.

Jessie Cameau Coicou t’ap pale nan yon konferans pou laprès tèt kole, mèkredi, ansanm ak pòtpawòl misyon Nasyonzini an Damian Onces Cardona. Se te yon fason pou yo te montre tout moun, relasyon yo nòmal ant PNH ak MINISTA apre plizyè jou chirepit sou laplas piblik.