> Kreyòl > Manifestasyon militè demobilize yo ak plizyè santèn patizan yo nan Ench pou (...)

Manifestasyon militè demobilize yo ak plizyè santèn patizan yo nan Ench pou egzije demisyon gouvèlman an

Publié le jeudi 10 mars 2005

Plizyè santèn militè demobilize ansanm ak patizan yo epi zanmi yo pran lari mèkredi nan vil Ench (plato santral), pou reklame demisyon prese prese gouvèlman Alexandre/Latortue a. Nan tèt manifestasyon an ou te jwenn Joseph Jean-Baptiste ki bay tèt li tit kòmandan nan zòn Plato santral la.
Manifestan yo akize pouvwa a dèske li ta ap mare konplo, pou fè ansasinen tout tèt mouvman militè demobilize yo. Tout moun yo t’ap manifeste nan yon anbyans kanaval ak branch bwa kenbe nan men yo.
Nan lannwit dimanch pou louvri lendi, yonn nan "kòmandan" militè demobilize yo, Clothaire Jean-Baptiste te mouri krible anba bal, yon ekip enkoni ame, ki te atake l’ nan antre vil Laskawobas.