> Kreyòl > 13 ayisyen mouri nan dife prizon Igwe (Sendomeng)

13 ayisyen mouri nan dife prizon Igwe (Sendomeng)

Publié le jeudi 10 mars 2005

Yon valè 13 ayisyen mouri boule, 5 lòt blese nan gwo dife ki te ravaje yon prizon pwovens Igwe, nan sendomeng, dimanch 6 mas la dapre gwoup pou apiye refijye yo ak rapatriye yo (GARR). òganizasyon an presize, selon enfòmasyon li ranmase nan divès sous, ayisyen ki mouri yo, otorite dominiken yo oblije antere yo san yo pa rive konnen kiyès ki paran yo, paske pèsonn pat al reklame kadav yo.

GARR ajoute sila yo ki blese yo ap resevwa laswenyay nan lopital Nòtredam Altagras ak Eduardo Aybar nan Santo Domingo.

Pou òganizasyon an, katastwòf sa a ki se konsekans gwo batay ki te pete nan prizon an, ant de kan, se yon okazyon pou otorite ayisyèn yo panche sou ka yon bann ayisyen k’ap manje prizon lòtbò fwontyè, sou fo non, nan move kondisyon.