> Kreyòl > Ensekirite a ale ak yon gwo komèsan nan Petyonvil

Ensekirite a ale ak yon gwo komèsan nan Petyonvil

Publié le mercredi 16 mars 2005

Rodolphe Solages, Pwopriyetè makèt St Pierre nan Petyonvil, mouri ansasinen anba bal bandi, mèkredi gwo lajounen. Selon plizyè temwen,ansasen yo ki te 3 antou, te fonse dirèk dirèk sou mesye Solages ki te nan aktivite biznis li. Apre yon diskisyon, yo te bay viktim nan plizyè katouch, anvan yo te al fè wout yo san ankenn pwoblèm.
Lapolis ki te pran tan pou l te rive, te senpman al konstate lè dega.

Anplwaye viktim nan te sou gwo emosyon, pandan anpil moun te rasanble devan makèt la. Rodolphe Solages, ki te gen ti jwèt non Dòdòf, te posede makèt St Pierre depi 35 lanne e tout moun nan Petyonvil te konnen l.