> Kreyòl > Yon delegasyon palmantè nan Nip

Ayiti-Wout-Palman

Yon delegasyon palmantè nan Nip

Li te al sipèvize travay k ap fèt pou rezoud pwoblèm letan Miragwàn sou wout nasyonal #2 a

Publié le samedi 25 octobre 2008

Yon delegasyon palmantè fè yon vizit samdi nan zòn Miragwàn (Nip, sidwès) kote dènye inondasyon yo te fè anpil dega epi rann pi grav pwoblèm letan Miragwàn nan ki anvayi wout nasyonal #2 a.

Depite Petyonvil la, Steven Benoît, ki te nan delegasyon an, bat bravo pou travay li di sant nasyonal ekipman (CNE) ap fè nan wout ki mennen nan zòn sid la li kwè ki kòmanse bay rezilta fas ak pwoblèm letan an ki te bloke sikilasyon an jiskaprezan. Kounyeya, machin kapab monte desann gras ak yon wout pwovizwa teknisyen CNE yo pèse nan yon mòn ki pi wo pase nivo letan an.

Selon palmantè a, komès kòmanse reprann tou nan zòn nan.

Sou kote Benoît, delegasyon an te genyen ladan l premye senatè lwès la, Jean Hector Anacacis ak Depite Kabarè a, Valciné Pierre Jérôme. spp/Radio Kiskeya