> Kreyòl > Boniface Alexandre mande Konsèy Sekirite a angajman pi djanm

Boniface Alexandre mande Konsèy Sekirite a angajman pi djanm

Publié le jeudi 14 avril 2005

Pandan yon rankont mèkredi swa nan Palè Nasyonal, Prezidan pwovizwa a Boniface Alexandre mande manm Konsèy Sekirite Nasyonzini an, pou gen dispozisyon ki pran alafwa, pou ranfòse kò Polis Nasyonal la ak pèmèt enstitisyon an jwenn plis sipò nan men MINISTA, dekwa pou sistèm sekirite a vin pi djanm nan peyi a.

Dapre chèf kabinè li Mèt Michel Brunache, Chèf Leta a te pwofite egzaminen divès aspè, nan tranzisyon demokratik la, ak delegasyon 15 manm Konsèy la ki vin pran nòt sou sitiyasyon jeneral Ayiti, pandan yon vizit 3 jou.
Chita pale sa a ant Prezidan Boniface Alexandre ak Konsèy Sekirite a te dire 1èd tan.