> Kreyòl > Konsèy Sekirite a egzije pou dat eleksyon yo kenbe

Konsèy Sekirite a egzije pou dat eleksyon yo kenbe

Publié le jeudi 14 avril 2005

Nan yon rankont ki dewoule jedi apremidi nan Pòtoprens, manm Konsèy Sekirite Nasyonzini an egzije Konsèy Elektoral Pwovizwa a pou l kenbe, dat ki deja fikse pou eleksyon yo, nan finisman ane a. Chèf delegasyon an, anbasadè Brezil la Ronaldo Mota Sardenberg deklare, nan finisman seyans travay la ki te dire demi èd tan, "nou pa menm bezwen ap plede repete yon bagay tout moun konnnen deja ki se yon desizyon fondalnatal".

15 manm Konsèy Sekirite a pwomèt tou pou yo egzaminen demand KEP a prezante yo, pou kesyon sekirite ak lajan.

Sou bò pa l, sekretè jeneral epi pòtpawòl Konsèy Elektoral la fè konnen, enstitisyon an mande yon gwo amelyorasyon nan kondisyon sekirite yo, dekwa pou dat ki nan kalandriye elektoral la ka respekte.

Eleksyon pou kolektivite teritoryal yo fikse pou 9 oktòb ; kanta pou eleksyon pou pòs Prezidan an ak pou Palman an, yo dwe fèt nan dat 13 novanm ak 18 desanm pou premye ak dezyèm tou a.