> Kreyòl > Kout zam otomatik ak panik toupre Palè Nasyonal

Kout zam otomatik ak panik toupre Palè Nasyonal

Publié le vendredi 15 avril 2005

Gwo kout zam otomatik chante, vandredi apremidi sou Channmas, toupre Palè Nasyonal ak nan divès lòt katye nan kapital la tankou Bèlè ak Nazon. Lapli katouch sa a te lakòz gwo panik nan mitan Pòtoprens. Machin t’ap kouri nan tout direksyon, tout moun t’ap chache wout kay yo ; divès lekòl te kouri lage elèv yo.

Jis nan finisman apremidi a, ankenn enfòmasyon ofisyèl pat disponib sou rezon ki te fè tout kout zam sa yo t’ap pati. Li posib pou ta gen moun ki viktim.

Kokenn ensidan sa a rive pandan vizit manm Konsèy Sekirite Nasyonzini an ak nan moman MINISTA deklannche operasyon kont gang nan Site Solèy, ki lakòz yon sòlda filipen mouri jedi anba bal.