> Kreyòl > Yon valè bandi mouri ak blese nan Site Solèy

Yon valè bandi mouri ak blese nan Site Solèy

Kòmandan MINISTA a anonse te gen gwo batay vandredi nan Site a

Publié le samedi 16 avril 2005

Yon kantite bandi ame mouri ak blese anba katouch, nan gwo lese frape ak Polis Nasyonal la plis MINISTA vandredi apremidi nan Site Solèy. Kòmandan militè Nasyonzini yo, jeneral brezilyen Augusto Heleno Ribeiro ki t’ap reponn radyo KISKEYA samdi maten, pat kapab bay ankenn chif sou valè moun ki viktim yo.
Selon Ajans Frans Près yon dizèn bandi ta mouri, 20 lòt ta blese.

Jeneral la li menm ki rekonèt gen 2 polis ayisyen ki blese, presize se manm gang yo ki te vare sou militè etranje yo ak manm PNH yo, nan moman yo t’ap fè patwouy, pou mete sekirite nan pi gwo bidonvil kapital la. 160 sòlda jòdanyen ak 60 polis nasyonal ki te nan operasyon an, te reponn bandi yo ak yon lapli kout zam otomatik.

Yon sòlda Nasyonzini, natifnatal Filipin te mouri jedi anba bal, nan Site Solèy ki se yonn nan baz patizan ame Jean-Bertrand Aristide yo, yo rele chimè.