> Kreyòl > Lapli kout zam nan kapital la : yon moun mouri

Lapli kout zam nan kapital la : yon moun mouri

Publié le lundi 18 avril 2005

Pou pipiti yon moun mouri anba bal, lendi nan Pòtoprens ki te pòtre yon chann batay, ak katouch ki t’ap pati nan divès katye, pandan jounen an e jis rive nan kòmansman sware a.
Dapre chèn televizyon Tele Haïti, moun ki tonbe a se yon jenn gason ki te resevwa katouch, nan zòn Pòsmachan nan kondisyon ki pa klè.

Kout zam ki t’ap soti anba men bandi te lakòz moun t’ap kouri san souf, machin t’ap plonje a tout bouling pou soti nan zòn danje tankou Pòsmachan, Lali, anba lavil la ak Wout Ayopò a.

Tansyon sa a reprann vitès li nan lari Pòtoprens, kèk jou sèlman anvan operasyon enskripsyon elektè yo pou pwochèn eleksyon yo kòmanse. Se nan moman tou MINISTA ak PNH deklannche yon operasyon kont chimè lavalas yo, nan Site Solèy kote yon ventèn ladan yo te viktim vandredi.