> Kreyòl > Anbasadè ameriken an pwomèt lapè anvan eleksyon yo

Anbasadè ameriken an pwomèt lapè anvan eleksyon yo

Publié le mercredi 20 avril 2005

Anbasadè Etazini an ann Ayiti, James B. Foley anonse mèkredi pandan yon vizit nan Pòdepè, lapè ap tounen nan peyi a anvan dat eleksyon yo rive, gras ak tèt ansanm ki fèt ant Polis Nasyonal la ak MINISTA.

Diplomat la ki pat vle bay presizyon sou kijan plan lapè a ap tabli, te deja denonse dènyèman yon alyans kriminèl ant ansyen militè yo ak chimè lavalas yo, anvan yon seri gwo evelman te rive.

Yon lòt pa, anbasadè Foley pwomèt pou l chita ak otorite yo sou gwo pwoblèm li konstate vil Pòdepè genyen. Apre nòdwès, diplomat la te rann li nan nò kote li al vizite Sitadèl la, anvan li bay yon konferans pou laprès jedi.