> Kreyòl > Yon kolaboratè "Dread Wilmé" tonbe nan Site Solèy

Yon kolaboratè "Dread Wilmé" tonbe nan Site Solèy

Publié le jeudi 21 avril 2005

Faustin Piard alyas Bo, kolaboratè pre chèf gang lavalas la nan Site Solèy Dread Wilmé, mouri madi anba bal lapolis, nan katye Pelé anndan Site a, dapre deklarasyon majistra Site Solèy la Jean-Joël Corneille fè jedi sou antèn radyo KISKEYA.

Majistra a presize Bo te bra dwat Robenson Thomas alyas Labanyè, anvan li te travèse dènyèman nan kan Dread Wilmé.
Labanyè te mouri ansasinen anba kout zam patizan Dread Wilmé ak defen Grenn Sonnen, mwa pase a.

Faustin Piard te jwe nan diferan ekip foutbòl nan Pòtoprens tankou Vyolèt, Eksèlsyò ak Amatè Site Solèy.

Depi plis pase 2 senmenn, Polis Nasyonal la ak MINISTA deklannche yon operasyon kont bandi ame yo, nan pi gwo bidonvil kapital la ; yon bon valè moun viktim deja, yo mouri oubyen blese.