> Kreyòl > Martelly anonse lekòl gratis pou prèske 250 mil timoun

Prezidans-Edikasyon

Martelly anonse lekòl gratis pou prèske 250 mil timoun

Prezidan an te al asiste fèt Sen Lwi nan Mibalè ak fè yon vizit enfòmasyon nan santral elektrik Pelig la

Publié le jeudi 25 août 2011

Prezidan Michel Martelly te twouve l jounen jedi a nan Mibalè (Plato Santral, sant) kote li te al patisipe nan fèt Sen Lwi, patwon vil sa a.

Pandan mès tradisyonèl la, kire pawas la, pè Raphaël Bernadin, te ankouraje Prezidan an ak palmantè yo ap pran chimen dyalòg pou peyi a ka debloke sou plan politik.

Sou bò pa l, chèf leta a deklare konsènan pwojè lekòl gratis li a gen 100 mil timoun, ki te nan sistèm
nan deja, ki pral lekòl san peye senk ane sa a. Anplis de sa, ap gen 141.000 lòt k ap antre lekòl pou la premyè fwa ann oktòb la.

Apre Mibalè, Michel Martelly te al vizite santral idroelektrik
Pelig la nan objektif, dapre sa l di, pou l te ka konprann kòman fè pwodiksyon kouran an rive sèlman pou kounyeya a 10 megawat olye de 60. spp/Radyo Kiskeya