> Kreyòl > Yon polis mouri nan lese frape nan Bank santral

Ayiti-Bank-Ensidan

Yon polis mouri nan lese frape nan Bank santral

Hudson Jacinthe pran katouch nan moman li te louvri kout zam sou ajan sekirite yo ki pat vle kite l antre nan bank la ame, san li pat menm gen inifòm li sou li, dapre plizyè temwayaj

Publié le samedi 3 septembre 2011

Hudson Jacinthe, yon polisye ki t ap sèvi nan komisarya ayopò Pòtoprens la, ajan Inite depatmantal Polis Nasyonal pou kenbe lòd (UDMO), mouri anba bal apremidi vandredi a anndan BRH apre yon gwo akwochay li te genyen avèk ajan sekirite Bank santral yo pandan li te al fè yon tranzaksyon.

Selon enfòmasyon Radyo Kiskeya jwenn, polisye Hudson Jacinthe, ki se tou yon ansyen ajan Inite depatmantal Polis Nasyonal pou kenbe lòd (UDMO)selon enfòmasyon Radyo Kiskeya jwenn
sou plas, pèdi la vi l nan moman ajan sekirite bank la te riposte paske li te gentan rale zam li epi tire malgre yo te pase l lòd pou l te pran liy pou l te al chanje chèk pewòl li, san l pat ottorize pou l te antre ame.

Manm PNH la, ki te an sivil, tou mouri sou plas.

Ensidan sa a, ki te lakòz aktivite yo te fè yon ralanti anvan yo te vin reprann nan Bank Santral, te fè plizyè otorite te oblije debake ladan yo direktè depatmantal lwès polis la (DDO), Michel Ange Gédéon, sibstiti komisè gouvènman Pòtoprens la, Brunet Salomon, ak yon jij de pè ki te al fè konsta.

Komisè Gédéon, ki te parèt gen dout sou jan yo di ensidan an ta pase a, anonse gen yon ankèt ki louvri pou gen presizyon klè sou sikonstans lanmò polisye a. spp/Radyo Kiskeya