" /> "/>

> Kreyòl > Lapolis mete men sou William Baptiste alyas "Ti Blan"

Ayiti-Sekirite

Lapolis mete men sou William Baptiste alyas "Ti Blan"

Se nan komin Dam Mari, nan Lagrandans kote li te al kache depi kèk mwa, yo rive sènen ansyen towo bann chèf gang Simon Pele a, nan Pòtoprens

Publié le samedi 10 septembre 2011

Lapolis arete ansyen gwo chèf gang William Baptiste alias "Ti Blan" pandan yon operasyon ki dewoule samdi maten nan komin Dam Mari, nan Lagrandans, dapre pòtpawòl PNH la, Frantz Lerebours.

"Ti Blan", ki te sove nan prizon nan okazyon katastwòf 12 janvye 2010 la, te deja kondane an jiyè 2009 devan tribinal kriminèl pou l te pase 14 lanne fèmen nan 4 miray akòz gwo responsablite li te genyen nan zak bandi ak kidnaping ki te konn fèt nan zòn Simon Pelé, nan Pòtoprens, pandan "operasyon Bagdad la", soti 2004 pou rive 2005.

Komisè Frantz Lerebours fè konnen William Baptiste te fè pati lis 25 pi gwo bandi lapolis t ap chache yo e li se twazyèm ladan yo yo rive kenbe, nan bout senmenn sa a sèlman, apre Stanley Figaro ak Mario Thermidor.

Pòtpawòl Polis Nasyonal la ajoute y ap travay pou yo arete tout bandi pou pèmèt popilasyon an mennen aktivitel’san trankil trankil. spp/Radyo Kiskeya