> Kreyòl > Prezidan Martelly pral fè yòn vizit ofisyèl nan peyi Repiblik Dominiken lendi (...)

Daprè Biwo kominikasyon Prezidans lan prezidan dominiken an Léonel Fernandez envite ofisyelman prezidan Martelly pou li mem ak gouvenman vinn Santo-Domingo lendi kap vini la

Prezidan Martelly pral fè yòn vizit ofisyèl nan peyi Repiblik Dominiken lendi 26 Mas la

Biwo Kominikasyon prezidans lan prezidan Martelly ap nan tèt yòn gwo delegasyon ofisyèl ki pral Repiblik Dominiken Lendi

Publié le samedi 24 mars 2012

Men komike Biwo Kominikasyon Prezidans lan voye bay laprès

Nòt enfòmasyon

Prezidan Repiblik la resevwa envitasyon ofisyèl pou l al vizite Repiblik Dominikèn lendi 26 Mas 2012
Pòtoprens, vandredi 23 Mas 2012 : Prezidan Repiblik la, Ekselans Mesye Michel Joseph MARTELLY ap pran avyon lendi 26 Mas 2012 la pou l al nan Repiblik Dominikèn sou yon envitasyon ofisyèl kote li pral rankontre kòlèg li, Chèf Leta Dominiken an, Mesye Leonel Fernández. Delegasyon an ap gen ladan l : Premye Minis deziye a, Mesye Laurent LAMOTHE, Minis Enteryè a, Mesye Thierry MAYARD-PAUL, Minis Touris la, Madam Stéphanie Balmir VILLEDROUIN, Minis Ayisyen k ap viv aletranje yo, Mesye Daniel SUPPLICE, Minis Agrikilti a, Mesye Hébert DOCTEUR, Minis Planifikasyon an, Mesye Hervey DAY ak Minis anviwònman an, Mesye Joseph Ronald TOUSSAINT.
Rankont yo ap dewoule sou komisyon bilateral ki genyen ant Ayiti ak Repiblik Dominikèn pou defann enterè zile a. Nan sans sa a de (2) peyi yo ap siyen yon deklarasyon ansanm k ap mache ak siyati plizyè akò ant de (2) Chanselye yo, Mesye Laurent LAMOTHE ak Mesye Carlos Morales Troncoso.
Chèf Leta a renouvle angajmen l yon lòt fwa ankò pou defann enterè Pèp Ayisyen an epi travay pou relasyon ki genyen ant Ayiti ak Repiblik Dominikèn yo chita sou respè yonn pou lòt. Prezidan Martelly ap rankontre nan aprè midi nan Anbasad Ayiti ki nan Repiblik Dominkèn reprezantan Etidyan Ayisyen yo.
Prezidan Repiblik la ap retounen nan Peyi a lendi 26 Mas 2012 la nan aswè.

Kontak : Biwo Kominikasyon
Telefòn : +509 31 89 88 88
Kouryèl : communications@presidentmartelly.ht