> Kreyòl > Move tan sou peyi ya anpil lapli tonbe touptou gen inondasyon Laplèn nan (...)

Gwo pwen nan aktyalite ya zafè konplo kont prezidan ak move tan sou peyi ya

Move tan sou peyi ya anpil lapli tonbe touptou gen inondasyon Laplèn nan anpil kote nan zòn Nò ak nan Plato

Move tan anpil kote nan peyi ya gen dega nan agrikilti nan Laplèn anpil kay neye anba dlo

Publié le dimanche 15 avril 2012

Otorite yo entèdi bato pran lanmè nan tout zòn kotyè peyi ya akoz Sant Nasyonal Meteoloji prevwa move tan pandan tout finisman semèn nan jouk madi Ka gen lapli kap kontinye tonbe nan preske tout depatman yo selon direktè Sant Nasyonal Meteoloji a Ronald Semelfort gen dekote ap gen gwo van Men move tan an ap frape peyi ya depi kek jou nan plizyè depatman sitou nan Nò Nòdwès ak nan Platosantral lakoz anpil dega inondasyon anpil kay dlo brote anpil bèt peiyzan anpil jaden kraze moun ki lage debra balanse pa konn sa pou yo fè yap tann sekou nan men gouvènman Nan nodwès gen pase mil fanmi ki gen kay yo ki inonde selon denye bilan kòdonatè pwoteksyon sivil nan depatman an José Rehone dega yo sitou konsene vil Pòdepè SenLwi dinò ak Ansafòlè zòn sa yo pa konn abitye resevwa tout lapli sa nan sezòn saa dapre kòdonatè Pwoteksyon Sivil la ki te bay Radyo Kiskeya yon entèviou samdi apremidi li di yap mobilize pou ya kapab fè fas ak sitiyasyòn an Lapli ya tonbe tou nan Pòtoprens dlo envayi Laplèn anpil kay neye anba dlo kannal yo bouche dapre sa direktè sèvis antretyen iben ak riral la (SEEUR)enjenyè Joacéus Nader ki te fè entèvensyon nan zon nan pou evakye dlo a nan entèviou sa li bay Radyo Kiskeya li di si lapli a kontinye ap tonbe sitiyasyon an kapab konplike pou moun kap viv Laplèn yo pou kounye ya (SEEUR)ap wè sal ka fè pou ride zòn ki anba dlo yo tankou Maren Santo Lilavwa epi dbloke wout yo

Lòt gwo pwen nan aktyalite se zafè konplo kont prezidan Martelly gouvènman dominiken an ak gouvènman ayisyen an denonse pwovoke anpil reaksyon ki soti nan Palman an Pati politik yo Sosyete sivil Direktè egzekitif Rezo Nasyonal kap defann Dwa Moun (RNDDH)Mesye Pierre Espérance eksprime preyokipasyonl devan zafè konplo pou ranvèse rejim Martelly an jan otorite de peyi yo Aiyti ak Repiblik Dominikèn anonsel mesye Espérance mande klarifikasyon nan dosye sa pou evite gouvenman an pa sèvi ak zafè sa pou fè pèsekisyon politik kont opozan politik li yo Daprè dirijan dwa moun nan bagay sa plis sanble ak manipilasyon pou fè atake moun pou opinyon yo Responsab RNDDH la di li sezi wè komisè gouvènman an Mèt Jean Renel Senatus gen tan lage manda dèyè swadizan konplotè aloske pa gen okenn flagran deli

Sou bò pal direktè egzekitif Initiav Sosyete Sivil (ISC)pwofesè Rosny Desroches di li pa wè klè nan zafè konplo sa gouvènman ayisyen an denonse ki monte pou destabilize pouvwa prezidan Michel Martelly a Misye Desroches swete pou de gouvènman yo bay plis presizyon sou kalte konplo sa a dapre li ki se yon bagay etonan Pwofesè Desroches ki kwè gen yon relasyon ant denonsyasyon konplo a ak skandal koripsyon jounalis Nuria Piera te eklate semèn pase a di li pa kwè yon kandida a la prezidans dominikèn kapab destabilize yon pouvwa an Ayiti avek MINUSTHA sou teren an

Sou kote pal doktè Turneb Delpé lidè PNDPH ak Platfòm RASABLE di li sezi lè l tande akizasyon ki anndan dosye konplo pou destabilize prezidan Michel Martelly a misye Delpé estime bagay sa se yon skandal ki pa genyen anyen ladan l Daprè dirijan PNDPH la se dwa nenpòt ki sitwayen pou l pwoteste kont tout otorite li estime kap dirije peyi ya mal Doktè Delpé raple batay yo te mennen kont Jean Bertrand Aristide nan lane 2004 paske yo te estme li tap vyole dwa moun nan sosyete a

Nan palman an depite Eloune Doréus (OPL/ALTERNATIVE) pa kache enkyetid li sou akizasyon li tande yo ki ka tounen pèskisyon politik kont sitwayen yo pou lide yo Palmentè a mande otorite yo pou yo piblye prev yo gengnen sou dosye konplo yo di ki genyen kont Michel Martelly a
Depite Mol-Sen-Nikola a kondane demach gouvènman an ki monte nan laprès olye yo pran wout lalwa trase pou mennen ankèt korek depite ya estime li ta pi enpòtan si otorite yo ta fè yon koplo pito kont mizè ak grangou ki ap depafini ak peyi a
lpp/ sn/RK