> Kreyòl > Pakè Pòtoprens tande 53 moun ladan yo ansyen militè lapolis te arete 18 me (...)

Pwoblèm ansyen militè ki nan prizon an dominen aktyalite ya

Pakè Pòtoprens tande 53 moun ladan yo ansyen militè lapolis te arete 18 me kisòt pase la

Tout moun lapolis te arete 18 me ya retounen nan prizon apre yo `te al Pakè

Publié le lundi 21 mai 2012

Pakè tribinal sivil Pòtoprens la tande jodia antou senkant twa endvidi ki pou pifò idantifye tèt yo kòm ansyen militè apre arestasyon yo pandan jounen 18 me a sou plas Jermi ya pandan yon parad Selon komisè gouvèneman Pòtoprens mèt Jean Renel Senatus se pa tout moun yo arete yo ki se ansyen militè Gen ladan yo ki gen ant 18 tan pou rive 30 tan ki konn fabrike fo zam pou entimide popilasyon an Komisè gouvènman fè konnen yap pouswiv moun sa yo pou asosyason malfektè pou konplo kont sekirite enteryè leta poutèt yo gen zam ilegal nan men yo poutèt tou yo te fè tantativ pou sasinen yon ajan BIM yon nan ladan yo te al esye dezamel

Yon lòt kotemet Senatus fè konnen yo arete 2 etranje kie ameriken ki te ak yo ameriken yo gen yon yo rele Jason Pitry lòt la yo pa konn tout nonl yo relel Steeve Pakè ya gen poul tande yo ak entèpret an prezans konsil yo jan konvansyon Genève prevwal pou respekte dwa etranje yo lè yo gen pwoblem nan peyi etranje Komisè gouvènman fè konnen yo poko otanifye bò kote anbasad ameriken nan Pòtoprens Gen yon ladan yo ki te gwo relasyon ak yon bann badi gen ladan yo gengnen ki deja mouri nan afwontman ak lapolis Lòt la Steeve la te jwe wol fòmatè pou ansyen manm FADH yo nan moan debakman an Lapolis sezi zam machin ak yon delko yap chache tou moun ki te bayo diri pou te pèmet yo manje epi menen aktivite yo